Улсын төсөвт татвар төлөгчид өөрсдийн амьдралдаа арай ядан хүргэдэг цалингаасаа хасан хасан сайн сайхан ирээдүйнхээ төлөө татвараа төлдөг. Төлсөн татварын мөнгө хаана, хэнд, юунд зориулагдахыг 76 гишүүнд итгэж даатгасан. Гэвч тэд эв найрамдалтайгаар 76 тэрбум төгрөгийг цэвэрхэн гэгч нь “хулгайлаад” авчихлаа. Бид хулгайд алдсан тэр их мөнгөө хэнээс асууж, хаанаас хайх вэ? Мэдээж тэд бие биенээ илчлэхгүй. Тохой нийлүүлэн суух дээдийн дээд боловсролтой гишүүдийг хэн гэдэг хүчтэй аавын хүү нэг дор цуглуулаад  ”хулгай” гээчийг онцсайнаар заасан бол. Тэр хүчтэй аавын хүүд 76 гишүүд талархаад талархаад баршгүй. 76 гишүүн тус бүрт нь 76 ширхэг боодолтой мөнгө авахыг заасан юм чинь.