Японы эзэн хааны цомыг 14 дэх удаагаа хvртээд байгаа Ёкозvна Хакvхо энэ сарын 31-нд Монголдоо ирнэ. Тvvний нэрэмжит “Ирээдvйн аваргууд” хvvхдийн сvмогийн их наадам энэ сарын 7-ноос эхэлсэн. Тэмцээний шигшээ барилдаанууд энэ сарын 30-нд зохиогдож шалгарсан бєхчvvдэд шагнал олгох ёслолыг ирэх сарын 1-нд Сvхбаатарын талбайд хийхээр тєлєвлєжээ.

Тэмцээнд амжилттай оролцсон єсвєрийн сvмочдод Хакvхо єєрєє шагнал гардуулахаар ирж байгаа аж. 100 хувийн амжилттай барилдсан буюу 15 давсан бєхєд ёкозvна, 14 даваа авбал озэки, 12-13 даваатай бол сэкивакэ, 10-11 даваа авбал комvсvби цолыг тус тус олгохоор болсон. Ёкозvна цолны цом, туг, ємсгєл, маваши гээд бvгдийг нь их аварга маань Японд захиалгаар хийлгэжээ. Насны ангилал тус бvрээс шалгарсан гурван хvvхдийг их аварга М.Даваажаргал єєрийн зардлаар Япон улсад аялуулж, мэргэжлийн сvмочдын амьдрал ахуйтай танилцуулж, тэдэнтэй уулзуулж мєн тэнд зохиогдох єсвєрийн сvмочдын олон улсын тэмцээнд оролцуулах юм байна.