| Хүмүүс: |
| Компани: |
Дуучин М.Нара: Та бүхэн энэ удаагийн дугаараас дуучин М.Нарагийн илэн далангуй ярилцлагаас нууцыг нь уншаарай. Залуу нас, гоо үзэсгэлэнгийн тод илрэл болон явдаг тэрээр илэн далангуй яриа, зоримог шиййдлүүдээрээ эрчүүдийн сэтгэлийг гижигдэж явдаг бүсгүүчүүлийн нэг билээ.
-Хамгийн их цаг, хүч хөдөлмөр зарж байгаа ажлаас чинь эхэлье.
Хоёр л юм байна. Эхнийх нь гоо сайхан маань. Сая хэсэг хугацаагаар амарсан. Идэвхигүй сул байхаараа амархан таргалах гээд байдаг л даа. Тиймээс жингээ хасахад ихээхэн анхаарч байна. Харин дараагийх нь телевизийн шинэ ажил эхлэж байгаа учраас шинээр сэтгэхэд цаг заваа зориулж байна.
-Та дэлгэцийн урлагт чамгүй амжилт олж яваа. Харин шинээр дууны уран бүтээл хийж байгаа юу?
Уран бүтээлээ жаахан завсарлаад байна. Уг нь бол хоёр дахь цомгийнхоо ажлыг эхлүүлээд дуугаа бэлдчихсэн байгаа. Зураг авалт бусад ажлаа бодоод төлөвлөөд л явж байна.Онгод ороогүй үедээ юмийг хүчлэх дургүй болохоор яадаг юм билээ гээд хүчлээд суудаггүй ээ. Тэгээд ч надад одоо хийх ажил мундахгуй байна.
-Тэгвэл нилээд их бодсон чанартай цомог бүтэх юм байна. Урлагаас бусдаар оролцдог ажил бизнес, эсвэл олон нийтийн байгууллага бий юу?
Саяхан нэг хэсэг бүжгийн сургалт хичээллүүлсэн. Уран бүтээлийн маань өөр өөр олон ажил байдаг учраас бүгдийг нь нарийн зохион байгуулж байж үүнийгээ хийх ёстой юм байна гэж дүгнээд түр завсарласан. Зав чөлөөгөөрөө аавынхаа компанид орчуулга хийдэг ч юмуу энэ тэнд олон ажил байна даа. Анхнаасаа урлагийг бизнестэй холбох тал дээр анхаараагүй орхигдуулсанаа одооноос ойлгож байгаа. Ивээн тэтгэгчгүй ээж ааваасаа болгоод явдаг байсныгаа буруу юм гэж ойлгсон.
-Таны найз залууг хүмүүс тодорхой хэмжээгээр мэднэ. Харин та хүмүүст яаж танилцуулдаг вэ?
Миний найз залуу л гэхгүй юу. Өөр юу гэж танилцуулах юм бэ. Анх танилцахдаа л жүжигчин гэдгииг нь мэдээгүй.
-Түүнийгээ өөртөө бүрмөсөн татаж чадсан гэж хэлж чадах уу?
Тэр хүн өөрөө ч хэлэх байх. Ямар ч байсан миний дуучин гэдэг нөлөөгүй байх. Яг би түүнийг жүжигчин гэж мэддэггүй байсан шиг.
-Гэхдээ та мэдээгүй байж. Найз залуу чинь таныг дуучин гэж маш сайн мэдэж байсах байлгүй дээ?
Намайг мэдэж байсан л даа. Гэхдээ тэр тийм том нөлөө үзүүлээгүй ээ.
-Бүсгүй хүн бүрт мөрөөдлийн ханхүү гэж байдаг. Харин мөрөөдлийн ханхүү найз залуу хоёр чинь хэр төстэй байсан бэ.
Би арван жилдээ эрэгтэй хүнтэй найзалж үзээгүй ч тийм хөвгүүн гоё гэсэн нэг бодолтой л байсан. Оюутан болоод тэр бодолд байсан хүн маань өөрчлөгдсөн дараа нь бас дахин өөрчлөгдөөд л байсан. Намайг өсөж ухаан сууж, боловсорч хөгжих хэрээр мөрөөддөг залуу маань өөрчлөгдсөөр ирсэн. Ерөөсөө хүний ертөнцийг үзэх үзэл, туршлага, боловсрол гээд олон юм өөрчлөгдөж байдагтай холбоотой байх. Эсвэл би хувьсамтхай хүн ч юмуу. Өнөөдөр бол сэтгэл хангалуун л байна.
-Тэгвэл супер залуугаа олсон л юм байна?
Нэг л зүйлээс залхаж байна. Хүмүүс шууд дотно сайхан харилцаж чаддаггүй биз дээ. Эхлээд танилцаад ойртож дотносох гэж явсаар хэсэг хугацааны дараа сая нэг бие биедээ хүлээн зөвшөөрөгддөг. Дахин өөр хүнтэй шинээр эхлээд бас л дотносох гээд явах вий гэхээс залхмаар.
-Яагаад ингэж бодсон юм бэ?
Мэдэхгүй ээ. Одоо байгаа хэвээрээ л үлдэх юмсан гэсэндээ ч тэгэж бодсон юм болов уу.
-Сайхан, хөөрхөн, гоёын аль тодотгол нь танд хамаатай вэ?
Наад гурав дээр чинь “сайн” гээд нэмчихмээр байна.
-Та их тачаангуй харагддаг. Энэ жинхэнэ байгаа байдал чинь уу эсвэл мэргэжлийн онцлогоос шалтгаалж өөртөө бий болгосон имидж үү?
Үгүй ээ. Би чинь анх дуучин болж гарч ирж байхдаа имидж энэ тэрийг мэдэхгүй л байсан шүү дээ. Зүгээр л багын чамин хээнцэрт дурладаг, задгай чөлөөтэй хувцасладаг байсныг миний ойр тойрны хүмүүс мэднэ л дээ. Хэв маягт оролгүй байгаараа мөртлөө чөлөөтэй хэв маяг миний амьдралд санамсаргүйгээр төлөвшсөн нь гэр бүлийн хүмүүжлээс хамаатай байх. Түүнээс биш олны танил больё, хүмүүсийн хараанд өртье гэсэн санаа байгаагүй.
-Юутай ч, тачаангуй гэдгээ сайн л мэддэг юм байна. Харин яг сексийн үед хэр тачаангуй байж чаддаг бол?
Хэхэ. Тэрийг учирсан хүн л хэлэх байх даа. Би өөрийгөө орондоо ийм тийм гээд өөрийгөө сурталчлах утгагүй. Ямар ч гэсэн найз залуу маань сэтгэл хангалуун байдаг.
-Эрчүүдэд та өөрийгөө ямар харагддаг гэж боддог вэ? Нэг тийм байх эсвэл байгаасай гэсэн мэдрэмж байдаг шүү дээ?
Ямар тохиолдолд гэдгээсээ хамаарах байх. Анхны сэтгэгдэл чухал гэдэг дээ. Үнэхээр намайг бухимдсан явж байхад таарвал таагүй төсөөлөл үлдээх байх, харин нэг их аз жаргалтай явж байхад таарвал нэг өөр сэтгэгдэл үлдэх биз. Ямар ч байсан үзэн ядмаар харагддаггүй л байх гэж боддог.
-Таны нэрийг секси, тачаангуй гэх мэт тодотгол дагаж бас таны нүцгэн зурагийг хүн бүр чөлөөтэй үзэж байгаад найз залуу чинь хэр таатай ханддаг вэ?
Эрэгтэй хүн бүр энэ асуудал дээр таатай байхгүй байх. Гэхдээ найз маань өөрөө урлагийн хүн болохоор миний асуудал дээр таатай эсвэл таагүй байгаагаа шууд илэрхийлээд байдаггүй. Ажил мэргэжлийн онцлог маягаар ханддаг.
-Нөхөрт гарахаараа илэн далангуй, нүүрэмгий байдлаа хэвээр нь хадгалж чадах уу?
Мэдэхгүй. Хэвээрээ л байх биз.
-Танд өөрийнхөө бие эрхтэнээс өөлж голдог зүйл байдаг уу?
Таргаллаа турлаа гэсэн асуудал байнга л байж байдаг. Түүнээсээ болоод стресст ч ордог. Одоо бол хөдөлмөрлөөд тэмцээд давчихаж болдог асуудал учраас эвлэрч дээ. Заримдаа үүнийгээ ингэчихвэл гэх мэтээр ханддаг л юм. Гэхдээ л өөлөхгүй ээ.
-Бас бахархаж гайгуулах зүйл тань юу вэ?
Нүдний харц, инээмсэглэл хоёр л миний хамгийн том чимэг гэж боддог.
-Гоё сайхны нэг гэгддэг учраас гоо сайхандаа илүү анхаарал тавьдаг биз. Хэдий хэрийн мөнгө зарж, яаж анхаардаг вэ?
Мэдээж, жирийн ажил алба хашдаг эмэгтэйчүүдээс илүү анхаарах шаардлага тавигддаг. Уран бүтээл, ажлийн шаардлагаас хамаараад янз бүр байдаг. Мэдээж амарч байх хугацаанд нүүрээ будаад гоо сайханд ороод байх шаардлагагүй. Харин зураг авалт, нэвтрүүлэг гээд ажиллаж байхдаа заримдаа хэтэрлээ гэхээр их цаг, мөнгийг гоо сайхандаа зориулдаг.
-Та романтик уу?
Яана аа. Би бүүр хэтэрхий романтик шүү дээ. Хүнээс ч тиймийг л шаарддаг.
-Ямар үед, хаана секс хийхэд тохиромжтой санагддаг вэ?
Яг хаана, хэзээ миний бие организм сексийг яаж хүсэж байгаа нь илүү хамаатай. Үнэхээр их хүсэж байвал ямар ч тохь тухгүй байсан ч хамаагүй.
-Сексийн гайхамшигийг хэзээ мэдэрсэн бэ?
Арай л хожуухан. Сексийн харилцаанд ороход тохиромжтой нас гэдэг яг тэр үед анх сексийг үзсэн.
-Хэзээ хамгийн сүүлд секс хийсэн бэ?
Одоо би найз залуутай юм чинь ойлгомжтой шүү дээ.
-Хаанаа үнсүүлэх дуртай вэ?
Бүх л биеээрээ үнсүүлэх дуртай шүү дээ. Тэр дундаа хүзүү, ар нуруугаа үнсүүлэхэд хэтэрхий мэдрэмтгий гэдгээ хэлж болно.
-Таны нүцгэн зураг хамгийн өндөр үнэд хүрсэн гэж байсан. Энэ санал ирэхээс өмнө нүцгэнээр авхуулна гэж боддог байв уу?
Үнийн тал дээр би хамгийн өндөр гэж хэлж мэдэхгүй л юм байна. Гадуур тэдэн зуун саяар зурагаа авхуулжээ гэсэн сенсаци явсан. Зарим нь ортой л байсан. Урлагийн гэлтгүй бүх л эмэгтэй хүн залуу сайхан байх үедээ хамаг юмаа гаргасан эротик байх албагүй ч нүцгэнээр зураг авхуулах зориг гаргах ёстой гэж би боддог. Залуу хүний чинь бүх юм шал өөр шүү дээ. Мянган удаа ярихаар наг удаа үз гэдэг. Ийм л бүсгүй явлаа гээд зураг нь байж байвал үр ач нь лавтай бахархана гэж би итгэдэг.
-Манай уншигчдад нууцаасаа дэлгэсэнд баярлалаа. Ажлын амжилт хүсье.
Хүмүүсийн ймьдрал сонин
(1).jpg)
.jpg)
