Тун саяхан залуу дуучин BX залуу уран бүтээлчдийг дэмжих зорилгоор шинэ студи байгуулан, шамдан ажиллах болсныг сонсоод Монголчууд энэ хүү хэдийдээ ингээд "хөгширчихвөө" хэмээж суусан юм даг. Тэгвэл төд удалгүй тийм зорилгоор үүд хаалгаа нээсэн дуучин Анхаа түүний туяхан эхнэр Халиунаа нарын "love music" нэртэй шинэ продакшны сураг дахин дуулдах болов. Монголын рок поп урлагийг өдий болтол өсгөж, хүмүүжүүлсэн жинхэнэ одод шинэ залуу уран бүтээлч төрүүлэх хариуцлагатай ажилд ханцуй шамлан ороогүй байхад дундаас доош үеийнхэн ийн хошуурах болсон нь гайхмаар. Нэг бодлын нэгэн үед ид асаж явсан поп, эрос хатагтай нарыг амиа хичээгчид гэмээр ч юм шиг. Ямартай ч урлагийн амьдралд хөл тавихын тулд хичнээн их хичээл зүтгэл хэрэгтэйг биеэрээ туулсан бяцхан одод маань ч болтугай залуу хүмүүсийг ойлгож, тус дэм болж байгаа нь сайн хэрэг юм даа.