Дуурь гэх их айлын харьяат дуучин Ө.Уянгыг “Классик жем” хамтлагаар нь хүмүүс илүүтэй танина. Хоолойн чадал, авьяасын хувьд хэнийг ч дагуулахааргүй түүнийг хамтлагаасаа хөрөнгө мөнгөний асуудлаас болж түнжин хагарч гарсан гэгддэг. Хөвсгөлд төрж өссөн энэ бүсгүй сонгодог поп урсгалаар голчилдог. “Гранд опера” нэртэй бие даасан тоглолтоо хийж байсан. Тэрээр ийм нэртэй ТББ байгуулаад ажиллаж буй. Авьяас чадавхийн хувьд Монголын нэртэй, босго өндөртэй театрын дуучин тэрээр гадны алдартай театруудад ая дуугаа өргёснөө тухай бүрт нь ярьж байсан тул нурших илүүц байх.

Ямартаа ч багадаа АЖ А.Долгор гуайг бишрэн шүтдэг байсан тэрээр эдүгээ мөр зэрэгцэн дуулж байгаадаа бахархдаг гэсэн. Дуурийн урлагт өсч яваа энэ бүсгүйн хувийн амьдралын талаархи дуулиан төдийлөн сайнгүй. Хүүгийнхээ эцгээс өрх тусгаарлан амьдрах болсон дуучин бүсгүйн амьдралд хань түшиг болох тогтвор суурьшилтай эр хүн таардаггүй юм уу ямагт өөрөөсөө дүү залуустай дотны харилцаа үүсгэдэг нь өөрийнх нь сонирхол ч байж болно.

УИХ-ын гишүүн асан Я.Санжмятавын туслахтай амрагийн холбоотой хэсэг хугацааг өнгөрүүлсэн Ө.Уянга манай нэртэй зартай бизнес хатагтайн танхил хүүтэй холбогдон, тархи толгойг нь эргүүлсэн хэрэгт унаж байна. “Кристиан Диор”-ын эзэн Батчулуун хатагтайн хүү түүнээс олон дүү Францад боловсрол эзэмшсэн, гэрийн хүмүүжил төлөв нэгэн. Дуурийн театрт орчуулагчаар ажилласан даруйдаа дуучин Ө.Уянгатай дотны холбоо үүсгэсний улмаас гэрийн хорионд орсон баян айлын хүү байх суух газраа ч олохоо байсныг нь эцэг эх нь гайхаж сууна.

Цагтаа дуурийн тайзнаа балет бүжиж, байлдан дагуулж явсан Батчулуун хатагтай эрх танхил хүүгээ харсаар байж нэг бус амьдрал үзсэн эгмэд бүсгүйтэй толгой холбуулах хүн яавч биш. Гэвч байсгаад л дуурийн нээлтэд спонсор болж, “Диор”-ын бүтээгдэхүүнээр ивээн тэтгэдэг энэ тансаг хатагтайн хатуу хориг Ө.Уянга бүсгүй, хүү хоёрынх нь дотны холбоог хүчрэх эсэхийг бурхан л мэдэх. Юутай ч сонгодог урлагийн тайзнаа нэр хүндтэй яваа Ө.Уянга бүсгүйн янаг амрагийн сонголт утгаа алдсаныг ойр тойрныхон нь хичнээн хэлээд ч тусыг эс олжээ.

Дээдсийн хатагтай нар дунд донжлог эрхэмсэгээрээ алдартай Ц.Батчулууныг танхил хүүгээ тийм ч амар дурын бүсгүйд тавиад туучих хүн биш гэж дуурийнхан шивнэлдэх болжээ. Нэгэн цагт Диорын эрхэмсэг энэ хатагтай “Мөнгөгүй байж брэндийн дэлгүүр хэсдэг хүүхнүүдийг би огт ойлгодоггүй” гэж хэлж зарим хүмүүсийн амбицыг хөдөлгөж орхисон удаатай. “Баян хүнийг балаг тойрохгүй” гэгчээр эгчмэд бүсгүйд толгойгоо мэдүүлэх болсон хүүгийнхээ төлөө Солонгос кинонд тоглох мэт тэвчээрээ барсан “Диор”-ын боссын проблем хэр удаан үргэлжлэхийг хэн ч үл мэднэ

Монголын нэг өдөр