“Тэнгэрлэг бүсгүй”-н дууч дэггүй Дээгий томоожжээ хэмээн ярих болсон. Харин Дээгий эхнэрээ хэзээ ч зодоогүй, хар уснаас болж л цагдаад гар хүрсэн болохоос биш би ч угаасаа томоотой хүн л дээ хэмээн ярилцлага өгч байсан удаатай. Архи уугаад, горьгүй агсам зангаасаа болж “хэцүү нэрт”-ийнд зочлоод гарсан дуучин залуу “хойно” хоригдож суухдаа их зүйлийг ухаарсан гэх юм билээ. “Хүмүүс намайг ялгүй гарлаа хэмээн дургүйцэж байгаа ч би хоёр жилийн тэнсэн харгалзах ял авсан шүү дээ. Энэ бол асар их сэтгэлийн дарамт” хэмээн шүүрс алдсан. Тийм дарамтанд ч гэсэн уран бүтээлээ цалгардуулаагүй дуучин залуу шинэ цомгийнхоо дээжийг гарын бэлэгтэй хамт сэтгүүлчдэд тараан тал зассан нь тун ч содон харагдсан шүү. Хэвлэлийн хурал дээрээ ч тэрээр үгээ зөөн, тун болгоомжтой ярих нь нэг л эмээсэн шинжтэй. Харин түүнийг харсан хүмүүс сэтгүүлчдэд жаахан царайчлангуй болоо юу даа гэлцэж байсан. Шар сонины сэтгүүлч нар хэмээн шүд зуун, телевизийн дэлгэцээр хүртэл тэдэнд гомдон нулимсаа барьж чадахгүй бөмбөрүүлж байсан дуучин залуу ийнхүү сэтгүүлчидтэй найрамдлын харилцаа тогтоон “цагаан туг”-аа өргөсөн бололтой.