“South Gobi Energy Resources” компанийн сурталчилгаагаагаар саяхан Хонконг улсад тоглоод ирсэн “Алтан ураг” хамтлагийн Лондон дахь тоглолтын тов цуцлагдлаа. Тасалбар борлуулагдсаны дараа ийнхүү тоглолт хойшлогдох болсон нь тус хамтлагийн зүгээс үл хамаарах шалтгаан байсан аж. Үндэсний фолк, рок урсгалаар тоглодог авъяаслаг монгол залуус эх орондоо төдийгүй гадныхан дунд ч танигдсан хамтлаг. Энэ нь “Алтан ураг” хамтлагийн дөрвөн цомогт орсон шилдэг, шинэлэг уран бүтээлүүдтэй  нь холбоотой биз. Юутай ч болзоондоо очиж чадаагүйдээ хамтлагийн залуус Британы монголчууд хийгээд тус улсын фэнүүдээсээ хүлцэл өчиж, 2010 ондоо багтаж заавал очихоо амлаад байгаа юм. Харин тоглолтын билет авсан хүмүүс тасалбар худалдан авсан газартайгаа холбоо барин, мөнгөө буцааж авч болох ба хүсвэл “Алтан ураг”-ийг очтол тасалбараа хадгалах ч боломжтой гэсэн шүү.