Шинэ жилээр урлагийнхан тун завгүй болдог албан газар, аж ахуйн нэгжийн шинэ жилийн баярт ая дуугаа өргөн, халтуур хийж, халаасаа зузаатгадаг дуучид энэ жил ханшаа өсгөжээ.

Энэ шинэ жилээр Гавьяат жүжигчин Б.Сарантуяа, Т.Ариунаа нар гурваас дөрвөн дууг гурван сая төгрөгөөр дуулах бол, цол нэгтэй нөхдөөсөө хамгийн бага ханштай нь дуучин Б.Дашдондог аж. Түүний хувьд гурван дууг нэг сая төгрөгөөр дуулах юм байна. “Киви”, “Гурван охин” хамтлаг, ВХ, Эгшиглэн зэрэг залуу уран бүтээлчид 2-3 дуугаа 500-700 мянган төгрөгийн хооронд үнэлж байгаа бол хайрын хос дуучид гэгддэг О.Анхаа, Б.Халиунаа нар 2-3 дуугаа 1 -2 сая төгрөгөөр дуулахаар болсон байна.

Харин нийтийн дуучдын ханш харьцангуй хямд бөгөөд 2-3 дууг 500 мянган төгрөгөөр дуулах аж. Дуучин Т.Баясгалан үрийн зулай үнэрлэж, хадмын хаяа түшсэн учраас халтуур хийхгүй нь бололтой. УИХ-ын сонгуульд нэрээ дэвшүүлээд бүдэрсэн С.Жавхлан ч мөн халтууранд явахгүй гэдгээ хэлжээ.

Нийслэл таймс