Олон жилийн өмнөх сүпер охин өдгөө чадварлаг топ модель болсон Д.Пүрэвсүрэнг загварын тайзнаа амьд домог болж яваа Одгэрэл эгчтэйгээ өрсөлдөн, хор шарыг нь хөдөлгөн ялж, уйлуулж унжуулан, сэтгэл санаагаар унагаж, хар тамхинд оруулав гэх үлгэр домог шиг яриа олны дунд тараад багагүй хугацаа өнгөрчээ. Дээрх шуугианы үг үсэг бүрийг үнэн гэхгүй ч топ бүсгүйчүүдийн дунд ширүүн өрсөлдөөн бий болсныг загварынхны дундаас дэгдсэн энэ цуу үгнүүд яах аргагүй гэрчлээд байгаа. Хэн нь хэн бэ гэдгийг ард түмэн ч айхтар сайн мэднэ. Насны зөрүүтэй л болохоос загварын тайзан дээр гунхаж яваа нь, адилхан л охиноо тэврэн амьдралын төлөө тэмцэж яваа нь гээд олон зүйл тэднийг ижилсүүдэг. Тэр ч бүү хэл косметик хагалгааны ид шидийг цуутай хоёр бүсгүй хэн хэнээсээ дутахгүй үзүүлээд авсан. Тун саяхан л гэхэд Пүүжээ экс найз залуу Цэгцээдээ зодуулан мурийлгасан хамраа өмнөхөөс нь ч аятайхан болгоод засуулчихсан яваа дуулдсан. Тэгээд бүүр “сохорсон биш завшив” сайхан хамартай болгож өглөө гээд нүүр нүдгүй зодсон найз залуугаа уучилсан гэх яриа ч гарсан байна билээ. Ямартай ч Одгэрэл эгчийнхээ байр суурийг баттай эзэлж авсан Пүүжээ бүсгүй одоо бүүр өөлөхийн аргагүй гоо үзэсгэлэнтэй болжээ хэмээн олон бүсгүйчүүд атаархаж суугаа гэсэн шүү