Харилцаа холбооны тухай хуульд нэмэлт өөрчлөлт оруулах тухай хуулийн төслийг УИХ-ын Тусгай хяналтын дэд хороо, Эдийн засаг, Хууль зүй, Аюулгүй байдал, гадаад бодлогын байнгын хороодоор хаалттай хэлэлцэж дэмжээд УИХ-ын чуулганы нэгдсэн хуралдаанаар оруулахаар болоод буй. Эрхэм түшээдийн дэмжээд байгаа уг хуулийн төслийг иргэд "Гар утас чагнах тухай хууль" гэж нэрлэдэг болсон. Энэ талаар Аюулгүй байдал гадаад бодлогын байнгын хорооны дарга УИХ-ын гишүүн З.Энхболд "Ер нь бол тагнах, чагнах хэрэгцээ үргэлж гардаг" гэж ирээд л ярьж гарна лээ. Мань эрийн яриаг сонсож суухад манай улсад иргэдийнхээ гар утсыг чагнахгүй байгаагаасаа болоод элдэв гэмт хэрэг тэр ч бүү хэл үндэсний аюулгүй байдлын эсрэг гэмт хэрэг хүртэл гардаг байсан юм билээ. Хэрвээ эрхэм түшээд гар утас аа чагнаад, улсын аюулгүй байдлыг сахин хамгаалчихаж чадах юм бол хамаа алга л даа. Гэхдээ л эрх мэдлээ ашиглан өрсөлдөгчдийнхөө яриаг хулгайгаар чагначихаад өнөөхийг нь олон нийтэд дэлгэж эх зах нь олдохгүй эцэс төгсгөлгүй, хэрүүл хийх нь бараг үнэн байхаа даа гэх яриа оолны газар авсныг энэ ташрамд дуулгачихъя.

Хүрээ хэмнэл