Намын нөхдөдөө ганцаарлчлан тоглодог хэмээн гоочлуулж намдаа багтах зайгүй болоод ҮШН-ыг байгуулан туурга тусгаарласан хүн бол М.Энхсайхан. Уг нь тэрбээр сайн эдийн засагч, бас давгүй улс төрч гэдэгтэй хэн ч маргахгүй байх. 2008 оны УИХ-ын сонгуулиар шингүй газардсан мань эр сүүлийн үед нэгэн цагт мөр зэрэгцэн зүтгэж явсан нөхдөө муулахын дээдээр муулж кайф авдаг гажиг зуршилтай болжээ. АН одоогийн удирдлагууд төдийгүй мянга мянган энгийн гишүүдийг нулимж, зүхэж суугаа түүнийг харахаар заримдаа өмнөөс нь ичиж үхмээр болдгоо нуух юун.

Хүн гомдож, нанаасаа гарч бас УИХ-ын хуралд улиран сонгогдож чадалгүй гаднаас нь ажиглах хувь тавиланг ч туулж болно. Тэгээд ч төрийн түшээ гэдэг өвөг дээдсээс өв залгамжилдаг цол хэргэм биш гэдгийг эл эрхэм нэг л сайн ойлгохгүй байх шиг. Уг нь М.Энхсайханыг АН-ын энгийн гишүүд чадварлаг гэдгийг нь хүлээн зөвшөөрдөг тэр утгаараа намаа гээд ирэхэд нь угтаад авах, дэмжих итгэл дүүрэн байсан юм. Гэвч энэ удаа эл хүмүүний ийнхүү увайгүй авирлаж буйд зэвүүцэн ноёд урваач нохой шарваач гэдэг шиг энэ чинь их зуумхай эд байх нь ээ хэмээн шивнэлдэж эхэллээ. Магадгүй Түүний эл тэнэг авир нэг талаасаа түүний улс төрийн карьер авралгүйгээр дуусаж буйн дохио ч гэж ойлгож болох юм даа

Улаанбаатар таймс