Таны эзгvйд ард тvмэн ямархуу байсныг шадар туслагчдынхаа амнаас биш, хэвлэл мэдээллийн хэрэгслээс олж харахыг хичээгээрэй, Ерөнхий сайд аа. Алс хол яваад ирсэн аав, ээжийгээ амттай чихэр, алим жимс авчирсан болов уу яагаа бол гэж горьддог хvvхдээс ялгаагvй таныг богцоо хурдан задлахыг олон тvмэн харж, хvлээж байгаа. Гэсэн ч бусдын хэтэвчнээс хэдэн төгрөг гуйж нvvрээ ширлээд явж байх ар хударгаар чинь монгол хvний санаанд багтамгvй аймшигт аллага, дээрэм тонуул гарсныг хямралын vед сэтгэл санааны дарамтад орсноос vvдэлтэй гэж тайлбарлах хvн гарч байна. Нийслэлд нэгэн дvvргийн хөл ихтэй гудамжинд хvний толгой бөмбөг мэт өнхөрч байсныг цагдаагийнхан олжээ. Олон жилийн өмнө дуучин Төмөрийг зэрлэгээр хөнөөж, толгойг нь тасдан гэрийнх нь ханан пийшинд хийснийг монголчууд хэчнээн их зэвvvцэн хvлээн авсан билээ. Гэтэл өнөөдөр босоо заяатай монгол эр хvний тэргvvнийг ямар араатан тасдаж хаяаад нохой, шувууны идэш болгов. Муухай vхлийг ологч бvрлээчийн их биеийг таван алхмын газраас олсон гэнэ лээ. Өнгөрсөн долоо хоногт Дорноговь, Хэнтий аймгийн нутгаар зэвсэглэсэн ах дvvс нvvрэндээ баг зvvж, малчдын эд зvйлсийг дээрэмдэн тоносон хэрэг гарлаа.

Малчин хvн явуулын хvмvvсийг эзгvй хойгуур ирж, хаалга мөргөөд буцах вий хэмээн vvд хаалгаа онгорхой орхиод явдаг vе дамжин ирсэн уламжлалтай ард тvмний vр сад. Сайхан сэтгэлийн vзvvрт шар тос өвөртөлж, орон гэрээ эзгvй орхих нь бvv хэл буу шийдэм барьсан дээрэмчин хэзээ ирэхийг хvлээж суудаг болох нь ээ. Амьнаасаа таслаж амь бvрдvvлэн, хэвлийдээ тээж, бяцхан зvрхнийх нь цохилтыг мэдэрч байсан эх хvн vр vндсээ дутуу төрvvлэн гудамжинд чулуудчихаж. Монгол хvний заяа хаях вий дээ. Хөгшид “Бvv vзэгд” гэж ханцуйндаа залбирч байна. Улаанбаатар хотын төв хэсэгт орон сууцны хонгилоос гэдэс дотроо хvvлvvлсэн эмэгтэй хvний цогцос олдлоо. Хөөрхий бvсгvй ямар хэрэг өдvvлж, хэн нэгэн хvн араатны зэвvvцлийг хvргэсэн болоод ийм цээрлэлийг хvлээхдээ тулав. Ерөнхий сайд С.Баярыг ердөө хагас сар хvрэхтэй vгvйтэй хугацаанд эх орноосоо хилийн дээс алхсан vед дээрх аймшигтай, зvvдэнд ороход ч цээрлэм гэмт хэргvvд шил дараалан vйлдэгдлээ. Монгол хvн хvнд бэрхийг туулахын тулд бvтээгдсэн гэмээр ямар агуу тэвчээр хатуужилтай ард тvмэн билээ. “Бvсээ чангахан бvслээд, хиймортойхон явна шvv миний хvv” гэх хөгшдийн урам, “Муу явахаар сайн vх” хэмээх хvн байхын утгыг мэдрvvлсэн хатуухан vгний дэнс өнөө цагт утгаа гээж орхив уу. Хvний амь бvрэлгэсэн гэмт хэрэг, дээрэм босгуулын цаана хэдэн халтар төгрөгнөөс vvдэлтэй атаа хорсол, өс хонзон vнэртэж байдгийг хэн хvнгvй мэднэ. Улс орны эдийн засаг хямарч, амин зуулгаа алдахдаа хvрлээ гээд хvн бус авир гаргаж, хэдхэн монгол бие биенээ хэмлээд байвал биднээс юу vлдэх вэ.

С.Баяр сайд аа, таны толгойлсон Засгийн газар нефть нийлvvлдэг хэдхэн баячуулдаа гараа хумхиулчихаад, энгийн иргэдийн амь зуулгыг өдрөөр бус цаг минутаар унагаагаад байгаа юм биш vv. Арван дөрөвхөн хоногт гарсан галзуу араатан адил бие биенээ хэмхэчсэн оюун ухаант хvнээс гарамгvй vйлдэл, ааш авир, харгислалыг намжаахад Засгийн газар юу хийх гэж байна вэ.

Нийгмийн толь