Ам.долларын ханш хэрхэн өөрчлөгдөж байгаа нь өнөөдөр иргэдийн хамгийн их сонирхож байгаа зүйл болоод байна. Орон сууцны зээлээ ам.доллараар төлж байгаа иргэд өдөр бүр шахуу “Найман шарга”-ын үүдийг сахидаг болжээ. Тэдэнд долларын ханш бага ч болтугай буурч байвал дэмтэй. Сүүлийн өдрүүдэд “Найман шарга”-ын валют арилжааны төвүүд дэх ам.долларын ханш бага багаар буурсаар байна. Өчигдөр 12.00 цагийн байдлаар нэг ам.долларыг 1615-1625 төгрөгөөр авч, 1630-1635 төгрөгөөр борлуулж байсан юм. Энэ нь өмнөх өдрийнхөөсөө 15-20 төгрөгөөр буурсан гэсэн үг.

Харин ам.долларын ханш ийн бага ч гэсэн буурч байгаа нь иргэдийн олз болж байгаа бололтой. Зарим нэг ченжийн ярьж буйгаар долларын гүйлгээ нэмэгдэж байгаа гэнэ. Учир нь сүүлийн хоёр өдөр арилжааны банкуудын ам.долларын ханш хар захын ханшнаас өндөр болсон байгаатай холбоотой хэмээн ченжүүд тайлбарлаж байна. Өчигдөр Худалдаа хөгжлийн банк гэхэд нэг ам.долларыг 1601 төгрөгөөр авч, 1710 төгрөгөөр борлуулж байсан юм. Харин Монголбанкны хувьд өглөө 11.00 цагийн үед ам.долларынхаа ханшийг таван төгрөгөөр нэмсэн байснаа орой буцаан таван төгрөгөөр бууруулсан байв

УБ таймс