Аваргаар сонин их биз дээ. Сvvлийн vед чимээ алдраад нууцхан амьдардаг болоо юу даа
Миний хувьд угийн чимээгvй болохоор даруухан амьдрахыг хvсдэг гэх vv дээ. Оны өмнө Америк явж хөлөндөө хагалгаа хийлгээд оны дараа ирсэн. Одоо дажгvй эдгээд сайхан болж байна. Гэхдээ эмчилгээ маань дуусаагvй байгаа гурван сар гаргаад буцаад Америк явна. Дөчин таван хоногийн нөхөн сэргээх эмчилгээ хийлгэнэ. Яг одоогоор бол гадуур ажил хөөцөлдөөд жаахан завгvй тал руугаа гvйж явна. Бас цагаан сарын баяртаа бэлдээд л байж байна.
Америкт очиход чинь манай элчин сайдын яамныхан мундаг хvлээж авсан биз. Тэнд амьдарч байгаа монголчууд хэр хvлээн авч байна.
Элчин сайдын яамтай харьцаагvй. Жудо бөхийн холбооны сургалт хариуцсан захирал Пагваа гэж ах маань намайг дагуулж явсан. Тэнд очоод олон сайхан сэтгэлтэй хvмvvсийн ачаар амжилттай хагалгаанд орсон. Хvний нутагт ажиллаж амьдарч байгаа элэг нэгт монголчууд маань цаг ямагт эх орноо гэсэн сэтгэлтэй явдаг нь мэдрэгдэж байсан шvv.
Ингэхэд яаж яваад бэртчихвээ аливаад заавал шалтгаан байдаг шvv дээ.
Бэлтгэл болоод зарим нэгэн тэмцээнд орж байгаад бага зэрэг гэмтэл авсан. Тухайн vед гайгvй байх гээд тоолгvй орхисон чинь дараа дараагийн барилдаануудад маань нөлөөлж эхэлсэн. Олимпод орох vед бэртэл аваад жил гаруй болж байсан. Vндсэндээ хоёр жил болсон байна.
Удахгvй манай уламжлалт сар шинийн баяр болох гэж байна. Энэ жил хаана шинэлэх вэ…
Би маргааш Булган яваад цагаан сарын дараа ирнэ. Сvvлийн хоёр жил цагаан сарын баярыг Монголдоо тэмдэглээгvй. Дандаа гадаадад тэмцээн уралдаанд орж яваад л таардаг байсан. Энэ жил нутагтаа очиж аав ээжтэйгээ хамт шинийн нэгний өглөөг угтаж сайхан золгоё гэж бодож байгаа. Цагаан сарын баярыг бага байхдаа бусад хvvхдvvдийн л адил догдолж хvлээдэг байсан. Эргээд бодоход тэр vе сайхан байжээ. Ер нь бол төрсөн гэртээ очиж аавынхаа vгийг сонсож, ээжийнхээ цайг уух ч сайхан шvv.
Хувь хvн болоод компаниуд амлаж байсан шагналуудаа танд өгсөн биз дээ. Хvмvvс сонирхоод байдаг юм шиг санагддаг?
Яахав дээ өгснөөсөө илvv амласан хvмvvс зөндөө байгаа. Тухайн vед олон хvний хэл ам дамжаад сенсаци болсон юм шиг байна лээ. Тэдэн сая доллар гээд л манайхан сайхан амласан. Өнөөдөр л гэхэд “Жем интернейшл” компани амласан ёсоороо арван сая төгрөгөө өгсөн. Би боддог, сэтгэлээсээ өгч байгаа аливаа зvйлийг буян гэж бодоод залбирч хvртэж байх хэрэгтэй. Тэгээд ч миний өдий зэрэгтэй яваа маань яах аргагvй аав ээж, ард тvмний минь ач буян. Тийм болохоор итгэл сэтгэлийг нь алдахгvй байхыг бодож явна.
Засгийн газар амласан мөнгөнийхөө талыг өгсөн гэж сонссон юм байна.
Олимпийн аварга болсон хvнд засгийн газраас 120 сая төгрөг олгох тухай хууль байдаг. Тухайн хуулинд заасныхаа дагуу улсад арван хувь, дасгалжуулагч багшид гучин хувийг нь өгдөг. Тэгэхээр тамирчинд хэдэн хувь ирэх нь ойлгомжтой. Зарим нэгэн хэвлэлээр төр амласан мөнгөө өгөөгvй гэж бичигдсэн байсан. Тийм зvйл огт болоогvй. Засгийн газрын тэргvvн С.Баяр сайд бидэнд талбай дээр олны өмнө батламжаа гардуулсныг хvн бvхэн харсан биз дээ.
“Монгол газар” компани танд таван килограм алт өгнө гэж байсан. Та алтаа авсан уу.
Тухайн vед таван килограм алт өгнө гэж хэлж байсан. Одоогоор бол надад аваад байсан алт байхгvй байна. Тэгж байгаад өгөх байлгvй дээ. Өнөөдөр дэлхий даяараа эдийн засаг хvнд байна. Манайд ч бас аймаар нөлөөлж байгаа нь мэдрэгдэж байна.
Өнөөдөр өөрийн тань амьдралд өөрчлөлт гарсан гэдэгтэй санал нийлэх vv. Урьд нь хэрхэн аж төрж байв?
Бидний амьдарч байгаа нийгэм өөрөө өрсөлдөөний талбар шvv дээ. Тэгээд ч бид энэ хорвоо дээр нэг л амьдрах жамтайгаас хойш амьдарсан шиг амьдрах хэрэгтэй гэж боддог. Манай спортынхонд амжилт гаргачихвал амьдралаа олж авна гэсэн бодолтой олон хvмvvс байдаг. Тэрэндээ хvрэхийн тулд бvгд зорилго тавьж хөдөлмөрлөдөг. Мэдээж миний амьдралд өөрчлөлт гарсан. Хvн бvхний нvдэн дээр харагдаж байгаа. Энэ бvхнийг ард тvмнээс минь надад өгсөн хишиг буян хайр ивээл гэж ойлгодог. Урьд нь бусдын адил сайхан амьдарч байсан. Булганаас оюутан болж ирээд л оюутны амьдралаар амьдарч хотын хvн болж тамирчин болох гараагаа эхэлсэн. Ер нь энгийн зvйл агуу байдаг гэдэг шиг миний амьдрал өөрөө эгэл даруухан талдаа байдаг.
Ингэхэд Н.Тvвшинбаяр хэр хvмvvжилтэй залуу вэ.
Айлын бага хvvхэд болохоор нэлээд сахилгагvй байсан. Анх жудод ирээд жинхэнэ хvмvvжлийг олж авсан. Ер нь спорт гэдэг маань өөрөө ямар ч хvнд тэсвэр тэвчээр, хатуужил, шударга ёс, ах захаа хvндлэх гээд асар олон зvйлийг тухайн хvнд олгодог бас нэг хvмvvжлийн хэлбэр гэж ойлгодог. Миний хувьд өөрийгөө тийм гэж тодорхойлмооргvй байна. Намайг ямар хvмvvжилтэйг миний аав ээж, ах дvv найз нөхөд маань мэднэ.
АНУ-д олимпийн аварга хэрхэн амьдардаг харин Монголд яаж аж төрдгийг та харьцуулж vзсэн vv.
Миний ойлгосноор Америкт олимпийн аварга болсон хvнд төр засгаас нь тэгж их мөнгө төгрөг амлаад байдаггvй юм билээ. Тамирчид нь рекламаар л мөнгө олж амьдардаг юм шиг санагдсан.
Чөлөөт нийгэмд амьдарч байгаа хvн бvхэн ямар нэгэн бизнес эрхэлдэг болсон. Мэдээж та хувийн бизнестэй л биз дээ.
Одоогоор надад ямар ч бизнес байхгvй. Цагийн юм цагтаа гэж vг байдаг. Цаг нь ирэхээр болох байлгvй. Би их спортоос явах болоогvй бэлтгэлээ сайн хийгээд урьд маань хvлээж байгаа дэлхийн аварга цаашлаад олимпийн наадам зэрэг олон тэмцээн уралдаануудад амжилттай оролцохыг тамирчин хvний хувьд бодож байгаа. Ямар нэгэн бизнес эрх ашиг бодчихвол барилдаж чадахаа болино шvv дээ.
Сvvлийн vед бөхчvvд улс төрд орж байна. Б.Бат Эрдэнэ, Д.Батбаяр гээд л…
Энэ чинь цэвэр хувь хvний сонирхол гэж би ойлгодог. Амиа бодоод би болоод миний орчин сайхан байвал болно гээд явах утгагvй хэрэг. Хийж чадаж л байгаа бол бусдын төлөө хийх хэрэгтэй. Нэг л амьдрах жамтайгаас хойш амьдарсан шиг амьдрах нь сайхан шvv дээ. Сайн явах санааных гэсэн ардын vгийг амьдрал дээр хэрэгжvvлээд явж байгаа олон хvн байгаа. Тэр олон хvмvvсийн нэг нь манай хоёр ах гэж боддог. Тэдний олон тvмнийхээ төлөө гэсэн vйл хэрэг ариун vйлс нь дандаа бvтэж явна гэдэгт итгэдэг.
Хvний амьдралын утга учир гэж байдаг. Таны амьдралын туйлын зорилго юу вэ.
Бид бvгдээрээ нэг л амьдарна гэдгээ мэднэ. Их юм бодоод байхаар амьдрал богинохон юм шиг санагддаг. Богинохон амьдралд бас ихийг хийж бvтээж болно. Хамгийн гол нь зорилго тавиад тэрэндээ хvрэхийн тулд цуцалтгvй хөдөлмөрлөх хэрэгтэй. Ихийг хийж амжилтанд хvрэхийн тулд хамгийн гол нь хvн чанараа хаяж болохгvй. Хvн чанартайгаа явахад энэ цэнхэр гариг дээр чинь амьдраад байж болно. Хэн ч боддог ирээдvй хойч vедээ vлгэр дуурайлтай байж зөв замаар явж хариуцсан ажилдаа эзэн байх хамгийн гол нь цагаан мөртэй амьдрахыг л боддог.
Олонд танил болсон хvмvvсийн амьдрал олны нvдэн дээр байдаг. Амьдралыг хэн ч таашгvй гэдэг арай өөрийн чинь зан хувираад найз бvсгvйгээ солиод өөр амьдралаар амьдрах юм биш биз.
Миний хувьд бусдаас онцгойрч одын өвчин тусахыг боддоггvй. Надад зохих ч vгvй, тэгээд явах шаардлага ч байхгvй. Зvгээр л сайхан энгийн байж өөрөө өөртөө аз жаргалтай байвал болно. Тэртээ тэргvй бид чинь нэг агаараар амьсгалж нэг л гариг дээр амьдарч байгаа хойно жишгээ дагаж амьдрах хэрэгтэй. Миний хувьд илvv юманд дурлаад байдаг нэгэн биш. Нэгд дурлавал жаргал нэмж дурлавал зовлон гэдэг дээ тийм болохоор одоо байгаа энэ амьдралдаа сэтгэл хангалуун байна. Ханийгаа солихгvй шvv. Амьдралд учрах ёстой хvмvvс байдаг гэдэг. Тэгвэл би учрах ёстой хvнтэйгээ учирсан.
Залуучууд гэр бvл төлөвлөлт дээр анхаардаг болжээ. Өөрөө хэр ямар бодолтой явдаг вэ.
Нийгмийн бичил хэсэг нь гэр бvл байдаг гэдэгтэй олон хvн санал нийлэх байх. Бидний амьдарч байгаа нийгэм хvнд байгааг бид бvгдээрээ харж байгаа. Залуучууд маань амьдрахын тулд гадагшаа гарч хөдөлмөр эрхэлж байна. Энэ нь эргээд л амьдралынхаа төлөө хийж байгаа хөрөнгө оруулалт амьдралын төлөөх тэмцэл юм. Миний хувьд залуу хvний амьдрал яаж эхэлдэг вэ бусдын л адил эхэлж байгаа. Залуучуудынхаа дунд мөр зэрэгцээд л амьдрал гэдэг их сургууль руу орж байна.
Охид бvсгvйчvvд мессеж бичиж найз бvсгvйг чинь хардах зовлонд унагаж байгаа биз дээ.
Олонд зарлагдсан дугаар барих эхэндээ их хэцvv байсан. Сvvлдээ дасаж эхэлдэг юм байна. Хамгийн гоё нь хvмvvсээс vнэн сэтгэлийн дэмжсэн vгтэй амжилт хvссэн мессеж ирдэг. Миний хань чинь сайн хvн шvv дээ. Тийм болохоор ойлгоод асуудал гаргадаггvй. Ер нь бид хоёрын дунд хардах тухай яриа байхгvй. Би ханийнхаа надад өгсөн хайрыг хайрлаж амьдрахыг хvсдэг.
Хvний амьдралын анхны юм бvхэн дурсгалтай байдаг. Найз бvсгvйтэйгээ анх яаж танилцсан бэ.
Манай Оюунбилэгийн хоёр дvv жудо барилддаг. Бид хамт бэлтгэл хийдэг байлаа. Тэгээд гэрт нь хамт очдог, ер нь бол орж гардаг бие биеэ таньдаг байсан. Нvдэнд дулаахан дажгvй охин харагддаг байлаа. Ер нь анхны харцаараа л дурласан даа. Амьдрал өөрөө дасахын аялгуутай хайр юм шиг санагддаг. Хамт байх бvртээ улам их л хайрлаад бvр илvv татагдаад байдаг их сонин шvv. Хvний хань гэдэг чинь ямар ч vед хамт байдаг. Энэ биений минь нэг хэсэг болдог гэж хэлж болно. Тамирчид чинь бэлтгэл сургуулилт гадагшаа дотогшоо тэмцээн уралдаанд оролцохоос авахуулаад завгvй шахуу явдаг. Мэдээж ар гэрийн амьдралыг хань маань авч vлдэнэ. Тамирчин хvнд бол гэргий нь бас нэг зааж зөвлөдөг сэтгэл санаагаар дэмждэг дасгалжуулагч байдаг.
Ингэхэд хэзээ хуримаа хийх гэж байна. Магадгvй хvмvvс сонирхож байгаа байх.
Хvний амьдралын хамгийн гэгээн дурсгалтай жаргалтай vе нь хоёр биенийхээ гарт сvйн бөгжөө зvvгээд хуримаа хийх байдаг. Мэдээж нэг сайхан өлзий буянтай өдөр Тvвшинбаяр хуримаа хийнэ. Дараа дараагийн тэмцээн уралдаан бэлтгэл сургуулилт гээд олон ажлууд хvлээж байгаа болохоор бид одоогоор хуримын талаар төлөвлөж амжаагvй байна. Хуримаа хийх болохоороо та нарт хэлнэ.
Хvvхэд байгаа газар аз жаргал байдаг гэж манайхан ярьдаг, хэзээ хvvхэдтэй болох гэж байна.
Алдарт сурган хvмvvжvvлэгч Сухомлинский “Хvн бvхэн математикч болох албагvй, харин эцэг эх болно гэдгээ мартаж болохгvй” гэж хэлсэн байдаг. Цаг нь ирэхээр нэг л өдөр болох байлгvй дээ. Хvvхэдтэй болох бодол байлгvй яахав. Бидний vргэлжлэл бяцхан аз жаргалууд юм чинь. Би хvvхдэд хайртай шvv.
Таны найз бvсгvй чинь хамт амьдарч байгаад таныг хөөсөн ар гэрийнхэн нь өөрт чинь дургvй байсан. Олимпийн аварга болсны дараа бараг өөрсдөө гуйж ирээд өгчихсөн тухай яриа байдаг юм билээ. Энэ vнэн vv.
Харин тийм яриа гарсан байсан. Би энд vнэнийг хэлэхийг хvсч байна. Тийм зvйл болоогvй, бvгд худал vг. Бид хоёр хайр сэтгэлээрээ л учирсан хvмvvс. Тэртээ тэргvй vнэн худал нь цаг хугацааны шалгуураар л мэдэгдэнэ гэж хэлэх байна
Хvнд дуртай хоол гэж байдаг. Ханийнхаа ямар хоолонд дуртай вэ.
Гурилтай шөл сайхан шvv. Миний багаасаа идэж өссөн хоол бол гурилтай шөл. Миний хань чинь хоол сайтай. Олон янзын хоол хийдэг, бvгдэд нь би дуртай.
Сvvлийн vед хvмvvс чөлөөт цагийг зөв боловсон өнгөрvvлэх тухай ярьдаг болсон. Ер нь чөлөөт цагийг яаж өнгөрvvлж байна.
Чөлөөт цагийг хvн зөв өөртөө хэрэгтэйгээр өнгөрvvлж байвал зvгээр байх. Миний хувьд бол жудо бөхийн бичлэг vзээд л гэртээ сайхан цай чанаж уугаад л өнгөрvvлэх дуртай. Ер нь бол гэр амьтай талдаа гэж хэлж болно.
Өөрийг тань сурдаг гэж сонссон юм байна.
Тиймээ би ШУТИС-ийн эрчим хvчний сургуулийн цахилгаан автоматжуулалтын ангид номын дуу сонсож байгаа. өнгөрсөн жил нэгдvгээр курсэд орж байсан. Одоо хоёр дугаар курсын оюутан болоод л явж байна. Хvн байнга сурч хөгжиж урагшаа ахиж шинийг эрэлхийлж байх хэрэгтэй. Бидний амьдарч байгаа нийгэм маань өөрөө өрсөлдөөний талбар болсон байна. Хэн чадалтай мундаг боловсролтой байна. Тэр хvн л урагшаа ахиж дэвшиж байгааг бид харж байгаа.
Тэгэхээр ирээдvйд эрчим хvчний чиглэлд бизнес эрхэлж том компаний захирал болох юм байна. Тийм vv.
Амны бэлгээс ашдын бэлэг гэдэг биздээ. Цаг нар нь ирэхээр яваандаа болчих ч юм бил vv хэн мэдлээ тийм биз дээ. Ямар ч байсан сайн сурна.
Өөрт чинь санхvvгээр дэмжээч хамтарч ажиллая гэсэн санал ирдэг биз.
Туслалцаа хvссэн олон санал ирж байсан. Зарим нэгийг нь өөрийн хэмжээнд дэмжихийг хvсдэг. Ямар өөрийнхөө амьдралыг хаялтай биш. Гадуур яриад байгаа шиг тийм аймаар баяжчихаад байгаа юм байхгvй. Тэр чинь зvгээр л цуу яриа төдий л зvйл. Гэхдээ хvн гэдэг чинь эд баялгаасаа илvv хvн чанартай сэтгэлээрээ баян байхад бvх зvйл болно гэж боддог. Хvн л юм чинь бодолгvй яахав цаашдаа улс эх орныхоо хөгжил дэвшлийн төлөө хийж бvтээхээр бодож байгаа зvйл байлгvй яахав. Дотроо бодчихсон яваа.
Уншихгvй бол сэтгэхгvй гэдэг хэр ном уншиж байна.
Ерөнхийдөө би нэг их тэгж ном хараад байдаггvй. Гэхдээ ном уншдаггvй хvний дэргэд бол уншина. Харин ном уншдаг хvний дэргэд жаахан ичмээр юм даа. Хvний амьдрал өөрөө ном байдаг юм шиг санагддаг өглөө босоод ороо хураахаас авахуулаад бvх зvйл нь vйл хөдлөл болж хувирдаг. Бvхий амьдралынхаа туршид хийж бvтээсэн ажлаа гаргасан амжилтуудаа нэгтгэх юм бол нэг ёсондоо ном л юм даа. Ер нь сурч байгаа оюутан болохоор мэргэжлийн чиглэлийн номууд уншина.
Хvн хэзээ ч аав ээжийнхээ ачийг хариулж чаддаггvй гэж хэлдэг, та энэ vгтэй санал нийлэх vv.
Би аав ээжийнхээ ачийг хариулж чадаагvй л яваа нэгэн. Сайн явж хийсэн бvтээсэн ажилтай, олныхоо дунд зөв нэртэй явахад аав ээж минь баярлах байх л гэж боддог. Хvний эцэг эх гэдэг vр хvvхдээ сайн явуулж сайхан амьдрахыг нь хамгийн ихээр харахыг хvсдэг. Мэдээж аав ээждээ бид өөрсдөө од нь гэж боддог. Миний хувьд аав ээж хоёр минь амьд бурхнууд юм. Тийм болохоор бодолтой зөв гэгээн амьдралын төлөө л явж байна.
Хэрвээ тамирчин болоогvй байсан бол өнөөдөр Тvвшинбаяр юу хийж байх байсан бол.
Ёстой хэлж мэдэхгvй юм байна. Бага байхад ээж маань эмч болгоно гээд нэлээн шавдуулдаг байсан. Дунд сургуулийн сурагч байхдаа математикийн хичээлд гайгvй байлаа. Тэгэхээр яг одоо сурч байгаа цахилгааны чиглэлээр сурах байсан байх.
Сэрvvлэг |
