“Балхжавын 13” хэмээх нэрээр анх олонд танигдсан цөөхөн хэдэн дуучдын нэг Мөнхбатыг өдгөө танихгүй хүн ховор бизээ. Анхлан дуучин Үүрээтэй хослон дуулж гараагаа амжилттай эхэлж байсан дуучин залуу маань хослон дуулаач Үүрээгээ  бяцхан маамуутай болсоноос хойш ганцаараа дуулах болсон. Цаанаа л нэг айлын эрх хүүхдийн төрхтэй зүс царайтай дуучин Мөнхбатыг дуучны гэхээсээ компанийн захиралын имиджтэй гэж фэнүүддээ өөлүүлдэгийг эс тооцвол дажгүй чадалтай хоолойтой гэж мэргэжилтэнүүд нь үнэлдэг юм билээ. Харин хорхойд хоргүй харагддаг дуучин залууг сүүлийн үед эрүүгийн элемэнтүүд багагүй оролдоод байгаа бололтой.

Эрүүгийн элемэнтүүд хэмээх хуулиас давсан эрх мэдэлтэй гэгддэг цөөн хэдэн хүмүүс ашиг орлого ихтэй бизнесийнхэнийг дарамталж татвар нэрээр улиралдаа нэлээдгүй их мөнгө авдаг тухай мэр сэр яриа байдаг. Тэд бас нэрд гарсан, ашиг орлого ихтэй дуучдаас дээрх аргаа хэрэглэн мөнгө авдаг тухай яриа ч бас байдаг. Ямарсайндаа л эрүүгийнхэнд дарамтлуулсан бизнесийн хүрээнийхэн хүн бүр сар болгон 1000 доллар гарган өөрсдийг нь дарамталдаг эрүүгийн элемэнтүүдийг үгүй хийх холбоо хүртэл байгуулах тухай ярьж байхав дээ. Энэ удаа ихэвчилэн гуйлганд явж сайндаа л нэг дуугаа 100 мянгаар дуулдаг дуучин Мөнхбатыг эрүүгийнхэн овоо хараандаа авч буу тулган дарамталж, гэр орных нь үүдээр эргэлдээд Мөнхбатыг багагүй сандаргаж байгаа сурагтай

Эх сурвалж: Factnews.mn