Дэлхийн авто машины үйлдвэрлэлээрээ толгой цохидог `форд` `Женерал моторс`, `Крайслер` зэрэг компанийн эзэд АНУ-ын Конгрессоос 25 тэр бум ам долларын тусламж хүсчээ. Тэд энэ мөнгөөр өр ширээ дарахгүй бол өнөө маргаашгүй дампуурч мэдэхээр болсон гэнэ. Мэдээж энэ гурвал үйлдвэр дампуурвал ямар үр дагавар гарах нь тодорхой.

`Женерал моторс` компанийн захирал Рик Вагнер санхүүгийн бэрхшээлээ даван туулахад нь тусламж хэрэгтэй байна хэмээн Сенатын хуралдааны үеэр мэдэгдсэн байна. Ж.Бушийн засаг захиргаа болон Бүгд найрамдах намаа сонгогдсон сенатчид 700 тэрбум ам долларыг банкуудыг дампуурлаас аврахад зарцуулахаас биш, авто машины үйлдвэрүүдэд зарцуулахад зориулахгүй гэж үзэж байгаа. Вагнерийн хэлж буйгаар, `Женерал моторс` компани хэдэн долоо хоногийн дараа эргэлтийн мөнгөгүй болох бөгөөд Барак Обамаг тангаргаа өргөх өдрийг хүлээж чадалгүй дампуурч болзошгүй гэнэ.

Ажиглагчид Обама ямар ч байсан Америкийн хүч чадлын бэлгэ тэмдэг болсон энэ гурван үйлдвэрийг дампууруулчихалгүй, арга олох байх гэж үзэж байна. Эдгээр компани гурван сая хүнийг ажлын байраар хангадаг бөгөөд Америкийн дотоодын нийт бүтээгдэхүүний дөрвөн хувийг хангадаг юм. Вагнер хэлэхдээ, `Амтомашины үйлдвэрүүд өөрийн алдаанаас болоогүй, дэлхийн санхүүгийн хямрал үүнд нөлөөлсөн ` хэмээн онцолжээ. Конгресс энэ асуудлыг яаж шийдэх нь тодорхойгүй байна.

Эх сурвалж: Үндэсний шуудан