Вашингтон хотноо болсон 20 орны дээд хэмжээний уулзалтын төгсгөлд эдийн засгийн хямралтай тэмцэх талаар тунхаг бичиг баталсан байна. Уг баримт бичигт зааснаар дээр дурдсан ор­нууд үндсэн гурван чиглэлээр үйл ажиллагаа явуулахаар болжээ. Үүнд эдийн засаг, санхүүг дэмжих, олон улсын хэмжээнд байдлыг зохицуу­лах шинэ аргыг боловсруулж, системийг үндсээр нь шинэч­лэх явдал юм. Тодруулах юм бол хөрөнгө оруулагчдын үйл ажиллагааг хянах аж. Ерөн­хийдөө банк, санхүүгийн бай­гууллагуудын үйл ажиллагааг хянах нь чухал хэмээн үзэв. Түүнээс гадна ОУВС болон банкуудад хямралаас болж хүнд байдалд ороод байгаа улс орнуудад туслахыг үүрэг болголоо. Дэлхийн санхүү­гийн системийн үйл ажилла­гааг сэргээхэд ОУВС гол үүргийг гүйцэтгэх юм. Ва­шинг­тон хотноо болсон дээд хэмжээний уулзалтад оролц­сон 20 орны төр засгийн тэр­гүүнүүд Сангийн яамны сай­дууддаа хямралаас гарах арга хэмжээг хэрэгжүүлж эхлэх заавар өгчээ. Уулзал­тын төгсгөлд гаргасан тунхаг бичигт дэлхийн улс орнууд хамтран ажиллаж, олон ул­сын санхүүгийн байгууллагад шинэчлэл хийхийг чухалчил­лаа. Шинэчлэлийг яаралтай хэрэгжүүлж эхлэх нь чухал бөгөөд ирэх оны гуравдугаар сарын 31 буюу хоёр дахь удаагийн дээд хэмжээний уулзалт болоход шинэчлэх ажил эхэлчихсэн байх ёстой юм байна. Дээр дурдсан орнууд нь дэлхийд хамгийн томд тооцогддог 30 банкны үйл ажиллагаанд хяналт та­вих шийдвэр гар­гасан байна. Чухам яагаад ингэх болсноо тайлбарла­жээ. Жишээ нь Швейцарийн "UBS" банк нь дэлхийн бараг бүх орнуудад үйл ажиллагаа­гаа явуулдаг. Тус банкны актив нь Швей­царийн дотоодийн нийт бү­тээгдэ­хүүний хэмжээ­нээс хэд дахин их. Тиймээс ул­саас үйл ажил­лагааг нь хянах ямар ч боломжгүй.

Дашрамд дурдахад Ва­шинг­тон хотноо дээд хэм­жээний уулзалт болохын өмнөхөн томоохон арил­жааны болон хөрөнгө оруу­лалтын банкууд, брокерийн компани, санхүүгийн бай­гуул­­лагууд нь хариуцлагагүй ажилласан гэдгээ хүлээсэн байна. Энэ нь эдийн засгийн хямралд автах болсон бас нэгэн шалтгаан болсон юм.

Оросын Ерөнхийлөгчийн хэлсэн үг олны анхаарлыг татав
Уулзалтын үеэр ОХУ-ын Ерөнхийлөгч Д.Медведев Олон улсын харилцааны зөв­лөлийн Вашингтон дахь сал­барт зочлохдоо үг хэлсэн байна. "Wall Street Journal" сэтгүүлд бичсэнээр тэрбээр олны анхаарлыг татсан сони­р­холтой илтгэл тавьжээ. Д.Мед­­ведев шинээр сонгогд­сон АНУ-ын Ерөнхийлөгч Б.Обамаг хоёр улсын харил­цааг сайжруулна гэдэгт най­даж байгаагаа илэрхийлсэн юм. Мөн пуужингаас хам­гаа­лах систе­мээс үүдэлтэй ха­рил­­цааны зөрчилтэй асууд­­­лууд ший­дэгдэнэ гэдэгт ит­гэлтэй бай­гаагаа Оросын Ерөнхий­лөгч илэрхийлжээ. Хамгийн гол нь тэрбээр Орост тул­гараад буй асууд­луудын талаар илэн далангүй ярьсан байна.

Заавал ам.доллар хэрэг­лэх шаардлагагүй хэмээн Ху Жинтао онцлов
БНХАУ-ын дарга Ху Жин­тао өнгөрсөн бямба гаригт Вашингтонд мэдэгдэл хийх­дээ олон улсын хэм­жээнд хийгдэж буй арил­жаанд аль болох олон орны ва­лютыг хэ­рэг­лэх шаардлага­тайг онц­лон дур­дав. Үүний тулд юуны өмнө олон улсын сан­хүүгийн бай­далд тавих хя­налтыг чан­гат­гаж, хөгжиж байгаа орнууд олон улсын санхүүгийн бай­гуул­лагын үйл ажиллагаанд идэвхтэй орол­цох нь зүйтэйг дурдав. Өнөө­дөр дэлхийн улс орнууд макро эдийн засгийн­хаа бод­логыг зохи­цуулах шаардлага тулгараад байгааг ч он­цол­жээ. Хямрал нь хөг­жиж байгаа орнуудад хамгийн хүндээр тусч байгаа тул ОУВС зэрэг байгууллага үзүүлж буй тусламжийнхаа хүрээг өргөжүүлэх шаард­лага­тай гэв. БНХАУ нь цаг тухайд нь арга хэмжээ авч санхүү эдийн засгийн сал­барт явуулж буй бодлогоо зохи­цуулснаар тогтвортой, хур­дацтай хөгжиж байгааг ч дур­джээ.

ОУВС-д 100 тэрбум ам.дол­­лар шаардлагатай бай­на
ОУВС-д эдийн засгийн хям­ралд автаад буй улс ор­нуудад зээл олгохын тулд 100 тэр­бум ам.доллар шаард­­лага­тай бай­на хэмээн тус сангийн тэргүүн До­миник Стросс-Канн ийнхүү мэдэгд­жээ. Тиймээс тус олон улсын сан­хүүгийн байгуул­лага БНХАУ, Саудын Арави зэрэг ор­­ноос нэлээд хэм­жээний зээл авахаар хэлэл­цээ хийж бай­­гаа гэнэ.

Өнгөр­сөн долоо хо­ногт Японы Зас­гийн газ­раас тус байгуул­лагад 100 тэрбум ам.доллар олгох болсон ту­хай­гаа мэ­дэгдсэн билээ.

Эх сурвалж: Өдрийн сонин