Сүүлийн үед асуудал их чухал болоод байна... Арай л биш. Нөхөд өө, асуудал нэ­лээд хурцдаж байгаа нь нууц биш ээ... Бас л нэг санаанд таарсан цоглог эхлэл болж өгөхгүй байна. Байдал ингэж даамжирна гэдгийг  миний  бие эртээс сануулсаар ирсэн... гэх гэтэл хэзээ юу санууллаа байз, бодоод бодоод санаанд юм орж ирдэггүй. Ер нь сүүлд хэрэг болно гэж үзээд ганц нэг юм сануулж байхад илүүдэх­гүй юм байна. Ирэх зун на­ранд цохиулавзай гэхчилэн­гээр.  Тэгээд хойтон зун түүн дээрээ нэлээн ажиллаж бол­но. Хараад байхад "гарын дорх материал, хоёрдогч түүхий эд ашиглаж" гэлээ гэдэг шиг хүмүүс өөрийнхөө хэлсэн үгэн дээр их ажилла­даг, их ч судалдаг болсон байна шүү. Өөрийнхөө амьд­рал уран бүтээлийг судлан олон сай­хан нээлт хийсэн эрдэмтэн ч байна.

Түүнчлэн арай гүн ухааны аястай "Сонгуулийн ерөнхий хороо, чи сонгогчийн зовлонд цадах болоогүй юу", " Сонгог­чийн санаа гишүүнд, гишүү­ний санаа ямаанд" гэхчилэн­гийн уран яруу хэллэг зохиож болно. Нарийн ярих юм бол хүмүүс гүн ухааныг илүү сонирхдог. Жирийн ухаантай харьцуулан бодоход хял­бар, харин бусад хүн цааш нь үргэлжлүүлэн бодоход ярвиг­тай, нэр хүндтэй байдгаас болоод олон хүн гүн ухааныг сонгодог.

Эх сурвалж:News.mn