Монгол гэдэг айл ирэх онд хэчнээн хэмжээний орлого олж, хэдийг нь зарлагадах тухай Байнгын хороодын хуралдаанаар хэлэлцэж байна. Хуулийн дагуу ирэх сарын 1-нээс ємнє тєсєв батлагдах дvрэмтэй юм. Илvv зардлаа танаж 2009 оны тєсвєє 2.1 триллион тєгрєгєєр тооцож чадвал орлогоос давсан зарлагагvй байх боломжтой хэмээн Тєсвийн байнгын хорооны гишvvд санал нэгдлээ.

Бvсээ чангалж, хэрэглээгээ багасгах шаардлага тулгарсан vед тєсвийг хэд хэдэн хувилбараар хэмнэж болохыг Байнгын хорооны дарга Ч.Хvрэлбаатар танилцуулж гишvvдийн олонх дэмжив. Хэмнэлтээс гадна татвар болоод бусад орлогыг нь хєдєлгєж зохицуулалт хийж болох тухай ярилцлаа. Хvн амын орлогын албан татварыг тєвлєрсєн тєсєвт авахгvйгээр орон нутгийн тєсєвт vлдээх, гэнэтийн ашгийн 68 хувийн татварыг чєлєєлєх, ирэх онд бvх тєрлийн татварыг нэмэхгvй байх, тєрийн байгууллага, аж ахуйн нэгжvvдийн урсгал зардлыг хасах. Нэг ч албан байгууллага тєсвийн хєрєнгєєр шинэ автомашин худалдаж авахгvй байх, дэд сайд нарыг боловсон хvчний орон тооноос хасах Аудитын газрын дvгнэлтийг (Аудитын газрын дvгнэлт манай сонины N269-т нийтлэгдсэн) бvхэлд нь хvлээж авах зэрэг санал гарсан. Мєн тєрийн байгууллагын албан хаагчдын гар утас, унааны мєнгийг хасах санал нь дэмжигдлээ. (УИХ-ын гишvvдийн унааны мєнгийг хасах эсэх нь маргаантай байгаа) Татвар нэмэх зарчмаар тєсвийн орлогыг єсгєх нь иргэдийн амьжиргаанд сєргєєр нєлєєлєхийг гишvvд анхааруулсан. Гэнэтийн ашгийн албан татварын хувьд тєсєвт тєвлєрєхгvй байх эрсдэлтэй, хєрєнгє оруулагчдад таагvй учир тэглэх боломжтой гэв.

Хэрэв тєрийн байгууллагын ажилчид, УИХ-ын гишvvдийн унаа, утасны тєлбєрийг хасчихвал тэд урьдчилсан тєлбєрт утас хэрэглэж, цалингаараа ярианыхаа тєлбєрийг тєлж, автобусаар ажилдаа явах болж байна. Засгийн газрын автобаазыг хувьчилбал тєсвийн мєнгє хэмнэгдэх саналыг УИХ-ын гишvvн Л.Гантємєр гаргасан нь зарим гишvvдийн эсэргvvцэлтэй тулгарсан. Тvvний саналд дургvйцсэн Д.Арвин “Л.Гантємєр хааяа боломжгvй санал гаргаж байх юм. Тєрийн vйлчилгээг явуулах автомашингvй байж болдог юм уу. Бид ажлаа хийх гэж хувь хvнээс унаа тэрэг гуйх юм байна л даа. Энэ саналыг битгий л дэмжиж vзээрэй, гишvvд минь” гэв. Тэрээр ард тvмний мєнгийг хэмнэхийн тулд єндєр єртєгтэй цаасан мэндчилгээнvvдэд харшилтай байхыг УИХ-ын гишvvдэд уриалав. Шинэ жил дєхєж байгаа болохоор ємнє нь цуглуулсан цаасан мэндчилгээнvvдээ хадгалах савгvй хаях байхаа бодож яваа Д.Арвин гишvvн дахин мэндчилгээнvvд авбал хаана хийхээ мэдэхгvй байгаагаа бусдадаа учирласан юм. Тєсвийн мєнгийг хэмнэж, алдагдалгvй тєсєв батлах тухай єнєєдєр Байнгын хороодын хуралдаанаар vргэлжлvvлэн хэлэлцэнэ.

Эх сурвалж:Зууны мэдээ