“Форум” хамтлагийн дуучин Виктор Салтыков, Ирина Салтыкова нар 1986 оны тавдугаар сарын 18-нд Сочид танилцаж, жилийн дараа “Интурист” зоогийн газар хуримаа хийжээ.

Тэдний дундаас нэгэн хөөрхөн охин /Алиса/ мэндлэв. Хүмүүс тэднийг “Таарамжтай хос” гэдэг байсан нь саяхан мэт. Гэвч хамтын амьдрал нь ердөө найман жил үргэлжилжээ. Энэ тухай хэвлэл мэдээллийн хэрэгслээр ч их шуугив. “Хэн нь хэнийгээ ашигласан бэ?” хэмээх асуудлаар Виктор Салтыков “Ирина миний тусламжтай олонд танигдах болсон” гэсэн бол Ирина Салтыкова “Амжилтын маань 100 хувь нь миний хүч хөдөлмөрийн үр шимээр бий болсон.

Дөнгөж дуучин болох гэж буй бүсгүйчүүд эр нөхрийнхөө алдар нэрээр олонд танигддаг гэж ярьцгаадаг. Гэвч тэгж алдар нэртэй болсон хүн ер нь байдаг гэж үү? Би тухайн үед охиноо дагуулаад ажил ч үгүй, мөнгө ч үгүй хоцорсон. Тиймээс амьдрахын тулд шаргуу хөдөлмөрлөх зам л үлдсэн. Виктороос салаад би их тэвчээр хатуужилтай болж, энд тэнд тоглолтод дуулж эхэлсэн. “Серые глаза” цомог маань хүн бүхэнд таалагдсан ч Викторт л таалагдаагүй нь ойлгомжтой шүү дээ” гэсэн байна.

Одоо Ирина Салтыкова Оросын эстрадыг тодорхойлогч “оддын” тоонд зүй ёсоор бичигдэх болж. Харин Салтыков хэмээх овгоо солихгүй байгаа нь хачирхалтай...

Эх сурвалж: Ням гариг