Дуучин, жvжигчид бvжигчин болоод хэсэг хугацаа өнгөрлөв. Олны танил хvмvvсийн хэрхэн бvжиглэхийг нь дэлгэцээр харж, харьцуулж, дvн тавих хөгжилтэй нэвтрvvлэг "ТВ-5" телевизээр гарч олон хvнийг дэлгэцийн өмнө суулгах болсон. "Ододтой бvжиглэе" нэвтрvvлгийн оролцогчдын нэг олонтой болсон дуучин Б.Хонгортой ярилцлаа.

-"Ододтой бvжиглэе" нэвтрvvлэгт оролцох саналыг анх яаж хvлээж авсан бэ. Урьд нь бvжиглэдэг байсан уу?
-Нэг их бvжиглэдэггvй байсан. Америк, Европын дуучдын клипийг хараад эд нар шиг бvжиглэж сурах юмсан гэж битvvхэн атаархдаг байлаа. Энэ нэвтрvvлэгт оролцвол надад нэг боломж олдоно гэж ойлгосон. Тэгээд саналыг нь хvлээж авсан.

-Огт бvжиглэдэггvй байсан хvн мэргэжлийн багшаар нь заалгаад тайзан дээр өрсөлдөх ямар санагдаж байна?
-Энгийн хөдөлгөөнөөс огт өөр, мэргэжлийн техник, өөрийн гэсэн дvрэмтэй болохоор их хэцvv юм билээ. Гэхдээ л урлагийн нэг төрөл учраас дуучин хvн сайн бvжиглэдэг байх ёстой. Тийм болохоор хичээж байгаа.

-Таныг олон vзэгч муугvй бvжиглэдэг гэж дvгнэж байгаа. Харин та өөрөө хэнийг хамгийн гол өрсөлдөгчөө гэж нэрлэх вэ?
-Сайн бvжиглэдэг хvн олон байна лээ. Гэхдээ өрсөлдөхдөө гол нь биш, нэвтрvvлгийг сонирхолтой болгохын тулд л хичээх ёстой.

-Өдөрт хэчнээн цагийн бэлтгэл хийж байна вэ. Нэвтрvvлэгт орж байгаа хvмvvс их завгvй болсон гэж ярьж байсан...?
-Ер нь их цаг зарцуулах болсон шvv. Өдөрт 4-6 цагаар бэлтгэл хийж байгаа болохоор завгvй болсон.

-Та хэчнээн бvжиг сурчихаад байна вэ?
-Нийт 10 бvжиг сурах ёстой. Зургааг нь сурчихсан.

-Хамгийн хэцvv нь ямар бvжиг вэ?
-Самба их хэцvv. Гарын барилт, хөлний байрлал гээд ер нь хvнд элементтай. Гэхдээ хvчээ шавхаад сурчихсан хойно их гоё бvжиг санагдсан. Бас нэг хэцvv зvйл нь нэг бvжгийг сурчихаар тvvндээ дасал болоод дараагийнхдаа өмнөхийнхөө элементийг холиод байх юм билээ.

-Ингэхэд дуучин Б.Хонгор бvжигчин болчих юм биш биз дээ. Сvvлийн vеийн уран бvтээлээсээ сонирхуулаач?
-Уран бvтээл хийгээгvй хэсэг байгаад саяхан "Алсаас чам руу" нэртэй шинэ дуу гаргасан. Өчигдрөөс клип нь телевизээр цацагдаж эхэлсэн “Pro sounds” студийн Ганга vг аяыг нь зохиосон юм.

Б.Сvндэр Дугаар 266/3338/