-Ч.Энхээ өмгөөлөгчтэй бид эрх зүйн туслалцаа авах гэрээ хийсэн. Гэрээний нэг заалт нь өмгөөлөгч, өмгөө­лүү­лэгч тал харилцан биестээ өгсөн зөвлөмжийг анхаа­ралдаа авч ажиллана гэсэн байгаа. Гэтэл Энхээ өмгөө­лөгч бидэнтэй санал солил­цохгүйгээр удаа дараа теле­виз, сонингоор ярилцлага өгч, өмгөөлүүлэгчид хамааралгүй асуудлыг ярьж байгааг бид олонтаа сануулж хэлсэн. Ха­рам­салтай нь бидний саналыг хүлээж авалгүй дур мэдэн, биднээс хамааралгүйгээр ярилцлага өгч, цаашид ч "Би та бүхэнтэй харьцахгүй..." гэсэн байр сууриа илэр­хийл­сэн. Тиймээс гэрээгээ цуцла­хаас өөр зам үлдсэнгүй.

-Ч.Энхээ өмгөөлөгч та бүхнээс хамааралгүйгээр ямар мэдэгдэл, мэдээлэл хийснийг тодруулахгүй юу?

-Ер нь манай дүү О.Маг­найн хоригдож байгаа явдал­тай огт хамаагүй төрийн ал­бан хаагчийн гэр бүлийн хүн рүү бүдүүлгээр дайрч дав­шилсанд бид их эмзэглэсэн. Тодруулбал, Улсын ерөнхий прокурорын туслах, МБАХТХ-ийн дарга Л.Болдоос энэ даш­рамд уучлал гуйж байна. Л.Болд О.Магнайн асуудал­тай холбоотойгоор ар гэр болоод өмгөөлөгчдийг эмзэг­лүүлсэн ямар ч үйлдэл хий­гээгүй байхад ингэж дайрч давшилсанд манай гэр бү­лийнхэн маш их гайхаж бай­на. Ямар шалтгаантай ингэс­нийг нь ч тааж мэдэхгүй байна.

Эх сурвалж: Өдрийн сонин